बर्दिया, भदौं १३, दीपककुमार शर्मा / विश्व बन्धुत्व दिवशको अवसर पारेर आयोजना गरिएको रक्तदान कार्यक्रममा बर्दियामा एकै दिन आज सम्मकै धेरै १ सए ९० प्रिन्ट रगत संकलन भएको छ ।
रक्तदान जीवनदान भन्ने मुलमन्त्रलाई आत्मसात गर्दै व्रम्हाकुमारी इश्वरीय विश्वविद्यालयका अन्तराष्ट्रिय पुर्व मुख्य प्रशासिक आदरणीय दादी डा.प्रकाशमणी ज्यूको १८ औं पुण्य स्मृति दिवश तथा विश्व बन्धुत्वको अवसरमा जिल्लाका विभिन्न पालिकामा एकै दिन आयोजना गरिएको बृहत रक्तदान कार्यक्रममा १ सय ९० प्रिन्ट रगत संकलन भएको हो ।
बर्दियाको बाँसगढी नगरपालिका बाट १२४ प्रिन्ट, बारबर्दिया नगरपालिका ४१ प्रिन्ट, गुलरिया नगरपालिका ८ प्रिन्ट र मधुवन नगरपालिकाबाट १७ प्रिन्ट गरी जम्मा १ सय ९० प्रिन्ट रगत संकलन भएको हो । ब्रम्हाकुमारी इश्वरीय विश्वविद्यालयका केन्द्रिय उपाध्यक्ष एंव क्षेत्रिय प्रमुख राजयोगीनी ब्रम्हाकुमारी दुर्गा ले पहिलो पटक आयोजना गरिएको रक्तदान कार्यक्रममा उत्साहजनक सहभागीता भएको बताउदै सवैलाई धन्यवाद दिनु भयो । सो अवसरमा सविधान सभा सदस्य विना ज्ञवालीले रक्तदान महान कार्य भएको बताउदै यसबाट अहिलेका युवा पुस्ताले यस कार्यलाई समाजमा पहिलो प्राथमिकता दिनु पर्ने बताउनु भयो । बर्दियामा एकै दिन आयोजना गरिएको रक्तदान कार्यक्रम संकलन भएको रगतले जिवन र मरणको अवस्थामा रहेका हरुको लागी अमृत हुने बताउनु भयो । प्रमुख जिल्ला अधिकारी सुरेन्द्र पौडेलले महान कार्यको प्रसंशा गर्नु भयो । नेपाल रेडक्रश शोसाइटि बर्दियाका शाखाका सभापति नरेन्द्र शर्मा कोइरालाले बर्दिया अस्पतालमा सधै रगतको अभाव भैरहने भएका हुँदा केहि समयका लागी यसले सहज बनाउने बताउनु भयो । ब्रम्हाकुमार इश्वरीय विश्विद्यालय राजयोग प्रशिक्षण केन्द्र गुलरिया बर्दियाका संचालिका ब्रम्हाकुमारी गीताले विभिन्न संघ सस्थाको सहयोगमा आफुहरुले पहिलो पटक आयोजना गरेको रक्तदान कार्यक्रम सफल भएको बताउदै सामाजिक काम अन्यका लागी पनि सिकाई हुने बताउनु भयो ।
शुक्रबार, भदौ १३, २०८२
मा प्रकाशित
0
Shares
ताजा समाचार
लोकप्रिय
© 2025, All rights reserved to Farak Samachar // Website By Lumbini Host